Govori o namirnicama kao što su peciva i torte, sokovi, mesne prerađevine, pržena hrana i drugo.

„Mnoge od ovih namirnica takođe imaju visok sadržaj natrijuma i dodatog šećera, što može doprinijeti ozbiljnim bolestima i zdravstvenim stanjima. Ne kažem da nikad više ne treba jesti neku hranu, radije ću reći da je konzumirate u vrlo retkim prilikama”, objašnjava dijetetičar.

Ovo su, prema njemu, tri namirnice koje nikako ne bi trebalo da budu dio redovne ishrane.

Zamrznuta pica

“Većina zamrznutih pica sadrži puno kalorija, natrijuma, šećera i zasićenih masti i malo drugih korisnih hranjivih materija”, rekao je Kori.

Gazirana pića

Gazirane napitke vrlo je lako konzumirati u velikim količinama što može doprinijeti velikoj količini unesenih kalorija, kao i šećera.

“To može dovesti do povećanja tjelesne težine i drugih zdravstvenih problema”, tvrdi.

Mesne prerađevine

Kori navodi slaninu, kobasice i mesne delikatese koje ne samo da imaju puno kalorija, nego su bogati zasićenim mastima, kao i nekim nitratima, što može doprinijeti raznim bolestima.

Ipak, Kori ističe i da je vrlo važno održavati raznoliku i zdravu ishranu, a ne samo izbjegavati određenu hranu.

“Postoji uravnotežena ishrana i neuravnotežena ishrana. Nijedna hrana sama po sebi neće čovjeka udebljati niti mu narušiti zdravlje. Najvažnije je kako se pojedine namirnice uklapaju u cjelokupni obrazac ishrane. Budući da postoji toliko mnogo faktora koji dolaze u obzir kada jedemo svaki dan, toliko je mnogo zdravih obrazaca ishrane moguće. Važno je da svako pronađe stil koji mu odgovara”, zaključio je nutricionista, prenosi Večernji.