“Mnogo toga smo zajedno prošli u prethodnim godinama. Borili smo se za vrijednosti, za grad, za ljude. I svaki put kad je bilo teško, nismo čekali i gledali sa strane. Preuzimali smo odgovornost i bili smo tamo gdje je trebalo da budemo. Stajali smo uz svoj narod kad je bilo najteže”, naveo je.

Bili su tu, naglasio je, kad su se branile svetinje.

“Ne zato što je to bilo popularno, nego zato što je bilo ispravno. Bili smo tu i kad se branio Nikšić, od ljudi koji su ga godinama ponižavali, dijelili i gurali u mrak. Bili smo tu i kad smo morali da se branimo od njih i da vas branimo od njih. Od istih onih koji su ovaj grad doživljavali kao plijen i koji su isključivo radili za svoje i interese svojih porodica. A sad se ponovo nude sa novim pričama i starim navikama”, dodao je Vuković.

Oni, rekao je, nisu mijenjali strane.

“Nismo ulazili i izlazili iz bitke prema potrebi. Bili smo tu kad se lomilo. I ostali smo. I dan-danas vjerujemo u ono što radimo, vjerujemo u Nikšić koji ide naprijed. Ne tražimo zahvalnost. Tražimo samo da se ne zaboravi gdje je ko bio kad je bilo najpotrebnije i da se zna gdje ćemo biti i sjutra. Mi nismo ovdje zbog izbora i pozicija, mi smo ovdje zbog Nikšića i zbog svih vas. Jer, Svi smo Nikšić”, poručio je Vuković.