“Bio je težak meč, moglo je da ode i na drugu stranu, bio je bolji igrač u drugom i trećem setu. Znao sam da moram da se borim svim srcem”, istakao je Đoković, koji je pobjedu posvetio kćerki Tari za osmi rođendan.

Ove godine stigao je do polufinala sva četiri gren slema, ali još se čeka jubilarni 25. trofej.

“Ne moramo da trošimo riječi o Sineru i Alkarasu, oni su najbolji na svijetu i svi očekuju njihovo finale, a ja ću pokušati da im pokvarim planove, pa da vidimo. Dominiraju od početka turnira, ali ja sigurno neću da izađem sa bijelom zastavicom, niko to ne radi protiv njih, ali posebno ne ja. Imam još jednu šansu i nadam se da ću biti dovoljno spreman da idem rame uz rame sa Karlosom, pa ćemo vidjeti”, zaključio je Đoković.