On je kazao i da to znači da bolnica neće biti zatvorena, te da se radi na pronalaženju trajnih rješenja.

Stečajni upravnik je sredinom januara informisao Vladu da će bolnica prestati sa radom, ako joj se novčano ne pomogne, odnosnom ako izvršna vlast ne izmiri prispjele obaveze. Riječ je o sumi od oko 720.000 eura.

Ministarka zdravlja Jelena Borovinić Bojović, ranije je kazala da su iz resora zdravlja više puta do sada inicirali hitne susrete u vezi rješavanja pitanja bolnice Meljine, te da je namjera da se problem riješi i da se ona vrati svojoj namjeni i svrsi.

Ona je podsjetila da rješavanje ovog problema podrazumijeva uključenost i zajedničko djelovanje svih institucija jer je, kako je navela, predmet oko bolnice u Meljinama još pred sudkim sporom i da se tek nakon sudskog epiloga, mogu preduzeti naredni koraci, koji bi vodili vraćanju ove ustanove državi i osnovnoj namjeni, a to je pružanje zdravstvene zaštite za građane Herceg Novog, njegove okoline, ali i turista koji posjećuju ovu opštinu.

Podsjetimo sredinom januara mogućnost zatvaranja bolnice “Meljine” ujedinila je građane Herceg Novog, koji su ispred te ustanove organizovali protest.