Prema italijanskoj novinskoj agenciji ANSA, jednomotorni avion T-260B koji je pripadao 70. krilu sa sjedištem u Latini srušio se tokom vježbe iznad Nacionalnog parka Circeo, oko 100 kilometara od glavnog grada.
Spasilački timovi koji su stigli na mjesto događaja pronašli su olupinu u plamenu i tijela dvojice članova posade. Pad se dogodio blizu jednog od ulaza u park, u šumovitom području gdje u to vrijeme nije bilo civila, prenosi Index.hr.
Italijanska premijerka, Đorđa Meloni, izrazila je saučešće nakon nesreće.
“Izražavam najdublje saučešće zbog pada aviona italijanskog ratnog vazduhoplovstva u blizini Nacionalnog parka Circeo. Moje misli i misli vlade su uz porodice žrtava, Ratno vazduhoplovstvo i cijelo Ministarstvo odbrane.”
Ministar inostranih poslova, Antonio Tajani, takođr je izrazio tugu, rekavši da je duboko ožalošćen gubitkom dvojice pilota te je izrazio saučešće njihovim porodicama.
Uzrok nesreće još nije utvrđen, navode vlasti.
