Kaže da stoje uz narod Botuna i cijele Zete, uvjeren da kolektor na ovoj lokaciji nije rješenje koje bi donijelo mir, sigurnost i povjerenje.

“Na terenu je stanje jasno: ljudi su postavili šatore, spremni da bdiju nad svojom zemljom. To nije hir, već poruka — da se odluke o budućnosti Zete ne mogu donositi iza zatvorenih vrata, bez uvažavanja onih koji ovdje žive. Ja ne pozivam na blokade, ali ne mogu ni da zatvorim oči pred činjenicom da su one posljedica osjećaja da neko ignoriše glas naroda. To je alarm koji se mora čuti. Zato ponavljam stav OO SNP Zeta: referendum je najpošteniji, najdemokratskiji i najčistiji put”, naveo je Noković i dodao da ako vlast vjeruje u svoj projekat, neka pred građane iznese sve činjenice i neka se narod izjasni.

“Nema veće legitimnosti od volje građana, izrečene slobodno i jasno. Zeta ne traži sukob, Zeta traži da se poštuje”, zaključio je Noković.