Tom Kruz i Nikol Kidman su bili jedan od najpraćenijih parova Holivuda, a njihov raskid 2001. godine izazvao je ogromno zanimanje javnosti. Prema pisanju stranih medija, Kruz nikad nije sasvim zaboravio kako se njihova priča odvila, a poslednje vijesti o privatnom životu bivše navodno su u njemu probudile i stare emocije.

Prema pisanju International Business Timesa, Tom Kruz smatra da je razvod Nikol Kidman i Kita Urbana svojevrsna ‘karma’ za način na koji je glumica javno govorila o njemu nakon njihovog razvoda prije više od dvadeset godina.

Podsjetimo, Kruz i Kidman bili su u braku 11 godina, a njihov razvod 2001. pretvorio se u jedan od najeksponiranijih holivudskih raskida te decenije. Kruz je tada često bio prikazivan kao ‘negativac’, dok je Kidman dobijala veliku dozu simpatija javnosti.

‘Tom je godinama nosio etiketu lošeg momka’

‘Kada su se Tom i Nikol razveli, sav teret se svalio na njega, a ona je dobila svu simpatiju,’ tvrdi izvor za IBTimes.

‘Bio je prikazan kao loš tip i to ga je pratilo godinama. Posebno ga je pogodilo što ga je Nikol u medijima ismijevala, čak i komentarisala njegovu visinu, dok je sebe predstavljala kao žrtvu. On je ćutio i sve to trpio.’

Izvor navodi i to da je Kruzu godinama smetala predstava o Urbanu kao ‘spasiocu’ koji je Kidman ‘izvukao’ iz braka koji se u javnosti pokušavao prikazati problematičnim.

‘Kad je Urban došao u njen život, mediji su ga gotovo proglasili vitezom na bijelom konju. Toma je to nerviralo. Sada, kad sve puca, dijelom mu je žao Nikol jer zna koliko pati, ali dijelom osjća da ga je život donekle opravdao.’

‘Konačno se pokazalo ko je bio u pravu’

Izvor tvrdi da Kruz smatra kako ga je sadašnja situacija donekle ‘potvrdila’.

‘Istovremeno je dao sebi malo oduška i rekao ljudima u svom krugu da je ovo karma. Od početka je smatrao da su Nikol i Kit prenapuvan par koji zapravo nema puno zajedničkog. Sada misli da je to dokazano.’

Nikol Kidman ranije je govorila kako ju je razvod od Kruza ‘šokirao’, ali i da je bila vrlo mlada kada su se vjenčali, i da je kasnije shvatila da je trebala da ‘odraste’.

Bivši par ima dvoje usvojene djece, Izabelu i Konora, koji su ostali da žive sa Kruzom i blisko su povezani sa Sajentološkom crkvom.

Urban se vraća na društvene mreže

U međuvremenu, Kit Urban oglasio se na Instagramu prvi put otkako je objavljeno da se razvodi od Nikol Kidman nakon 19 godina braka. Objavio je isječak iz emisije ‘The Road’, takmičarskog rijaliti u kojem učestvuje sa Blejkom Šeltnom, a dvojac se pritom našalio na račun svojih starih frizura iz ’90-ih.