Navela je da nema nikakva saznanja o njegovim kriminalnim aktivnostima i da se ne sjeća da ga je ikada upoznala.

Njeno svjedočenje označilo je početak dvodnevnih saslušanja, tokom kojih će sjutra iskaz dati i bivši predsjednik, njen suprug Bil Klinton, prenosi AP.

Saslušanja iza zatvorenih vrata održavaju se u rodnom mjestu Klintonovih, Čapakvi, sjeverno od Njujorka, nakon višemjesečnih prepirki između ovog para iz redova Demokrata i Odbora za nadzor Predstavničkog doma, koji kontrolišu republikanci.

Ovo je prvi put da je jedan bivši predsjednik primoran da svjedoči pred Kongresom, navodi agencija.

Mjesto svjedočenja dogovorili su Klintonovi advokati i Kongres, a kako bi se izbjeglo poniženje i presedan pozivanja bivšeg predsjednika na Kapitol Hil radi ispitivanja, piše CNN.

Predsjedavajući Nadzornog odbora Predstavničkog doma, republikanac Džejms Komer, kao i 10 republikanaca članova Odbora prisustvovaće saslušanju. Komer je ranije rekao da je svjedočenje bivšeg prvog para “ključno za razumijevanje mreže trgovine ljudima u svrhu seksualnog iskorištavanja Epstina i Gislen Maksvel i načina na koje su nastojali da steknu naklonost i uticaj kako bi se zaštitili od istrage”.

“Niko ne optužuje Klintonove za bilo kakav prekršaj. Imamo samo mnogo pitanja. Njihovo svjedočenje bi takođe moglo da ukaže na to kako Kongres može da ojača zakone kako bi se bolje borio protiv trgovine ljudima”, kazao je Komer.