Kako kažu prodavci, ovo voće je traženo, ali se u prosjeku kupuje pola kilograma. Pomorandže su prodavane od 1,30 do 1,50, dok su mandarine cijenjene dva eura. U ponudi imaju i grožđe koje je nuđeno od četiri do deset eura. Jabuke su nuđene za 2,50, a banane su 50 centi jeftinije. Kilogram japanskih jabuka potrebno je platiti sedam eura. Isto koštaju i dunje, dok je kilogram nara pet eura. Korpica od 250 grama borovnica može se kupiti za pet eura. Euro jeftinije građani će platiti kruške.

U ponudi prodavci imaju i mladi krompir koji košta 1,50, dok je stari od 0,80 do euro. Džak od deset kilograma može se kupiti za devet eura. U zavisnosti od sorte paprike koštaju od dva do 3,50 eura. Crni luk mogao se kupiti od 0,60 do dva, dok paradajz 2,50 eura. Raštan je cijenjen 1,50 eura, a šargarepa euro.

Prodavci nude i veliki izbor koštunjavog voća. Za kilogram oraha neophodno je izdvojiti od 10 do 12, a badem je od 12 do 15 eura. Lješnik je 18, a pečeni 22 eura, dok je indijski orah 15 eura. Pistaći se mogu kupiti za 18, a suve šljive i grožđe za šest eura. Suve kajsije koštaju 12, a 500 grama urmi tri eura. Niz suvih smokava, u zavisnosti od veličine je od 2,50 do tri eura.