Išao je Siner ka tome da riješi Argentinca baš kao i Tabura prije dva dana, imao je 2:0 u setovima, i 5:1 u trećem setu, ali se onda totalno raspao, imao ogromnih problema na fizičkom planu, jedva je i hodao u par navrata, i nije uspio da se izvuče iz tog problema.

Na momente je Siner u petom setu podsjećao na starog sebe, međutim, uvijek su se vraćali problemi koji su ga progonili, a Serundolo je svoje šanse koristio i dominantno potvrdio pobjedu.

“Nisam se osjećao dobro od kada sam se probudio večeras. Htio sam da igram kratke poene, igrao sam dobro, a onda sam samo udario u zid. Sredinom trećeg seta sam se osjetio loše. Bilo je vruće, ali nije bilo toliko vruće. Ne radi se o vrućini, ovo je do mene bilo“, rekao je Siner.