Zelenski je na kanalu Telegram naveo da je u toku saniranje posljedica ruskog napada na Dnjepar, gdje je dronom pogođen skladišni objekat logističkog terminala “Nove pošte”, kao i vozila, prenosi Ukrinform.

Na terenu rade jedinice Državne službe za vanredne situacije (DSNS), koje gase požar, navodi agencija i dodaje da je angažovano oko 70 spasilaca i 40 policajaca, uz gotovo 30 jedinica tehnike.

Prema riječima predsjednika Ukrajine, za sada nema povrijeđenih.

Zelenski je istakao da je neophodno obezbijediti dodatnu podršku ukrajinskoj odbrani i nastavak pritiska na Rusiju.

“Naše ‘dalekometne sankcije’, sankcije partnera i svi oblici političkog i ekonomskog pritiska na Rusiju moraju da djeluju kako bi se postigla stvarna bezbijednost. Samo pritisak donosi mir”, poručio je predsjednik Ukrajine.