Prvi put su u jednoj utakmici na Mundijalu zemlju predstavljali fudbaleri koji nisu rođeni u njoj.

Naime, svih 11 startera “lavova sa Atlasa” nisu rođeni u toj afričkoj državi.

U Španiji su rođeni Ašraf Hakimi, Ismael Saibari i Čadi Riad. Francuska je dala Isu Diopa, Nila El Ajnauija, Ajuba Buadija i El Murabeta, dok su Belgijanci po mjestu rođenja Čemsdin Talbi i Bilal El Hanus. Desni bek Nusair Mazraui rođen je u Holandiji, a iskusni golman Jasine Bono u Kanadi.

Međutim, ljubav prema Maroku ih je dovela do dresa sa državnim grbom koji sada predstavljaju na najbolji mogući način.

Na premijeri Svjetskog prvenstva odigrali su neriješeno 1:1 protiv Brazila.