Crno-bijeli su meč prelomili u finišu treće i uvodnim minutima posljednje četvrtine.

Utakmicu, koja je dotad bila izjednačena, doveli su na 16 poena razlike, najviše zahvaljujući Niku Kalatesu, koji je dirigovao igrom Beograđana.

Uspio je Pariz da presingom malo zbuni goste, dođe na minus pet, ali je opet Partizan imao spreman odgovor.

Tonje Džekiri pogodio je iz reketa, a Isak Bonga trojku iz ugla za plus 10, na ulasku u posljednja dva minuta susreta.

Sterling Braun ubacio je 17, Tonje Džekiri 15 poena i šest skokova, a Nik Kalates je uz 12 koševa imao i 10 asistencija.

Kada su Parižani u pitanju, 23 poena Nadira Ifija.

Za Partizan je ovo druga pobjeda ove sedmice u Evroligi, 12. u sezoni i u dobroj formi dočekaće nedjeljni derbi ABA lige pred navijačima Crvene zvezde.