Član Čempionšipa savladao je na svom terenu Šefild vensdej 3:0, uz golgeterski potpis snažnog Nikšićanina.
Vodeći pogodak za tim sa “Depdejla” protiv Šefild vensdeja dao je Ali MekKen, koji je odlično ušao u kazneni prostor poslije dodavanja Džamal Luisa i najavio pobjedu domaćih.
Pola sata prije kraja trenutak inspiracije crnogorskog reprezentativca. Uposlio ga je Bendžamin Vajtmen, a Osmajić je poslao loptu snažno pod prečku gola Šefilda. Bio je to njegov peti pogodak ove sezone u Čempionšipu.
Pred kraj utakmice još jedna brza akcija Prestona i realizacija Luisa Dobina.
Ekipa našeg reprezentativca je na šestom mjestu u zoni plej-ofa za Premijer ligu i ima samo tri boda manje od drugoplasiranog Ipsviča.
