Iza ovog kluba je jedna katastrofalna polusezona. Smijenjen je Dejan Vukićević, kako stvari stoje smijenjen će biti i sportski direktor Gavrilo Petrović, a Budućnost će dobiti novog trenera u ovoj sezoni.

“Ne može svako za trenera da bude ovdje. Oni nađu nekoga i kažu on je napravio rezultate? Koje rezultate? Napravio je rezultate ovamo ili onamo, nije to isto. Treba prvo da mu vidiš njegove karakterne osobine, stručne pa karakterne, pa onda stotinu drugih, da ne ulazim sad u to. Pa nakon toga da se opredeljuješ za trenera, a ne struje. Kako mogu struje da odlučuju o treneru. U ovo društvo vole Brana, a u ovo drugo vole Šola i onda svak svoga. To nema veze, gdje je tu sportski sektor? To treba direktor da postavi ciljeve! Ovo je to, to,to i to, zbog toga, toga i toga. Ako ne bude to tako kako je direktor predložio, onda “mičite” i njega, to se tako radi, tu nema sentimentalnosti. Ali to ne ide tako. Najbolje, kako se sve ovo razvija, nekoga popa da stave za trenera, to bi bilo najsigurnije i nikome se ne bi zamjerili” poručio je Milačić.