Italijan je savladao Korentana Mutea sa 2:0, po setovima 6:1, 6:4 i stigao do 26. uzastopno dobijenih setova na turnirima iz Masters serije.

Na taj način nadmašio je rekord Novaka Đokovića, koji je prije 10 godina osvojio zaredom 24 seta.

Siner je seriju započeo još prošle jeseni u Parizu, gdje je osvojio titulu bez izgubljenog seta, a potom isto učinio i u Indijan Velsu. Niz je nastavio i u Majamiju sa dvije uzastopne pobjede.

“Veoma sam srećan, ali u isto vrijeme ne igram zbog ovoga. U tenisu se sve može desiti, sport je nepredvidiv. Trudimo se da ostanemo fokusirani i vidimo šta donosi sljedeći meč”, rekao je Siner.

U osmini finala Siner će igrati protiv Amerikanca Aleksa Mikelsena.