Do tuče je došlo oko 00.30 časova, a povrijeđeni muškarac je prevezen u Klinički centar.

Povod sukoba bile su učestale provokacije državljana Turske koji nerijetko presrijeću žene na Zabjelu i kradu.

Momak je izasao da im skrene pažnju da ne viču, sto se i vidi na snimku, kada su ga napali i povrijedili noževima.

“Trotoarom su prolazila tri ili četiri turska državljanina i dobacivala nam nešto na turskom. Pitao sam ih ima li nekh problema, i jedan od njih odgovorio mi je: ‘Ima’. Ta osoba starosti je oko 30 godina, tamog tena, crne kose i brade, visine oko 180 centimetara, krupne građe. Na sebi je imao crnu duksericu i farmerke. Kada sam mu prišao, uhvatili smo se za majice, počeli da se guramo, rvamo i pali smo na trotoar. Dok smo se rvali, iznad sebe sam vidio još dvojicu njih – jedan je starosti oko pedesetak godina, sijede kose, gušće brade. Na sebi je imao crvenu majicu. Ne mogu se sjetiti opisa drugog muškarca. Tada su mi zadali više udaraca nogama i rukama u predjelu tijela, a zatim i više uboda nožem po tijelu”, ispričao je povrijeđeni Podgoričanin novinarima Vijesti.