Tim Ivana Brnovića je dominirao, a jedini gol postigao je Matija Božanović u 49. minutu.

Iskusnom vezisti je ostao lakši dio posla poslije sjajne akcije Uroša Đuranovića i Alekse Ćetkovića, pa je sa svega nekoliko metara matirao Stojana Vukčevića.

I prije i poslije jedinog pogotka Dečić je bio taj koji se pitao.

U prvom poluvremenu je domaćin imao nekoliko velikih šansi da povede (preko Đuranovića, Božanovića, Nikole Braunovića i Marija Đoljaja), kasnije nisu precizni bili ni Balša Radusinović i Siniša Stanisavić.

Od Kotorana, ekipe koja u prva dva kola nije primila gol i pobjeđivala je Petrovac i Sutjesku, nije viđeno praktično ništa.

Mreža Dečića se još nije tresla, a nakon tri kola ima sedam bodova, jedan više od Bokelja, dva od Mornara.