Već u 50. sekundi domaćin je došao do gola. Dugačka lopta u prostor “lansirala” je po lijevom krilu Aleksa Baenu koji je proigrao Bariosa, a njegov udarac nisu uspjeli da izblokiraju ni Heven ni Lemens, pošto je lopta uveliko prešla iza gol linije.

Imao je gost dvije sjajne šanse. Oba puta je u završnici bio Mbeumo i oba puta je intervenisao noćas nesavladivi Oblak.

U završnici prvih 45 minuta gol Kardosa je poništen zbog prethodnog igranja rukom Ljorentea, pa je rezultat ostao minimalan.

“Crveni đavoli” igrali su angažovanije u nastavku, ali bez konkretizacije. Jedini pokušaj Fernandeša završio je tik pored stative oblaka i to iz neizrađene akcije.

Presudni momenat dogodio se u 74. minutu. Joro je povukao sa leđa Dejvida i dobio direktan crveni karton, da bi par minuta kasnije golom Ademole Lukmana (udarac Dejvida, odbrana Lemensa, natrčavanje Lukmana) bilo riješeno pitanje pobjednika.

Nakon 2. kola Atletiko i Mančester Junajted imaju po 3 osvojena boda.