Fulam je odlično otvorio susret i poveo već u 16. minutu. Rodrigo Muniz je iskoristio asistenciju Oskara Boba i zatresao mrežu domaćina, donijevši londonskom timu prednost.
Siti je pokušao brzo da odgovori, a Erling Haland je u 25. minutu postigao pogodak, koji je ipak poništen zbog prekršaja u akciji koja mu je prethodila. Tako su domaći na odmor otišli sa golom zaostatka.
U nastavku je Mančester siti pojačao pritisak, a do izjednačenja je stigao u 57. minutu. Eliot Anderson je preciznim udarcem savladao golmana Fulama i postavio konačnih 1:1.
Do kraja utakmice rezultat se nije mijenjao, pa su oba tima morala da se zadovolje jednim bodom.
Za Mareskinu ekipu ovo je četvrta uzastopna utakmica u Premijer ligi bez pobjede. Nakon tri vezana poraza od Aston Vile, Brajtona i Notingem Foresta, Siti nije uspio da iskoristi domaći teren i vrati se na pobjednički kolosijek.










