“Možda bih i ja rekla da sam vidjela nekoga. Nismo se mi krili. Samo ja ne volim privatno pričati o tome, volim to čuvati samo za sebe, volim živjeti što mirnije. Ne volim stalno iskakati, nikad nisam bila takva i već 30 godina funkcionišem tako pa to ne bih htjela mijenjati. Naša ljubav je uvijek bila tu, duboko u srcu. Samo su neke druge okolnosti bile prisutne pa smo se razdvojili, a sada smo ponovo zajedno i nikad srećniji”, izjavila je za Blic.

Želja za privatnošću odražava se i na njen svakodnevni život, koji provodi opušteno, bez šminke, daleko od svijetala pozornice.

Iako svadbena zvona još nisu na vidiku, pjevačica mašta o jednoj posebnoj vjenčanici – onoj koju potpisuje Vivijen Vestvud, a koju je nosila Keri Bredšo.

“To je jedna od najljepših vjenčanica koje sam vidjela. Međutim, ona nije bila srećna pa sam pomislila, neću onda ni ja”, našalila se.

Obnovljena romansa s Ivanom nije promijenila njen profesionalni odnos s njegovim ocem, Tončijem Huljićem, s kojim sarađuje već tri decenije.

“S Tončijem se ništa nije promijenilo, i dalje jednako sarađujemo. Jedino što sada dok ručamo pričamo o pjesmama i na licu mjesta prolazimo kroz tekst”, istakla je, dodavši:

“Ne zove me snaha, nego samo Jelena”, rekla je uz osmijeh Rozga.