Trik profesionalnih kuvara – mala količina vode umjesto mlijeka. Kada se jaja mute s vodom i kuvaju na tihoj vatri, para koja se stvara unutar smjese čini kajganu nevjerovatno mekom i kremastom. Na kraju dodajte komadić putera van ringle – on će jelu dati sjaj i dodatnu glatkoću.

Neočekivani dodatak

Što se tiče dodataka koji dodatno obogaćuju kajganu, pravi luksuz u tanjiru dolazi – od pečuraka. Najbolji izbor su šumske vrste poput vrganja i lisičarki, koje jelu daju zemljani ton i bogatu aromu.

Na tiganju otopite malo putera, dodajte sjeckani bijeli luk i pečurke i kratko ih propržite. U posebnoj posudi umutite tri jajeta sa prstohvatom soli, biberom, malo vode i kašičicom pavlake. Kada pečurke puste miris, dodajte jaja i miješajte lagano, na niskoj temperaturi.

Rezultat? Kajgana koja je istovremeno svilenkasta, sočna i puna karaktera – idealna uz hljeb.

Uz ovih nekoliko koraka, obična kajgana pretvara se u pravi gurmanski užitak. Savršena je za vikend doručak uz pečeni hljeb i avokado, ali i kao topla večera kad vam treba nešto jednostavno, a savršeno.

Dakle, sljedeći put kad posegnete za jajima – sjetite se pečuraka, malo vode i strpljenja. Jer čak i najjednostavnije jelo može postati – najljepši početak dana, prenosi “24Sedam“.