“Sokoli” su do prvog mjesta na turniru došli pobjedom rezultatom 2:1. Kao i u prije dva dana protiv Sjeverne Makedonije, i danas se lijepim golom istakao Nikola Vukoje.

Nakon ,,makazica“ u utorak, danas je sjajno pogodio petom sa nekoliko metara. Bio je to gol za 0:2 u 31. minutu, dok je ,,sokole“ u vođstvo doveo Aleksa Caušević iz jedanaesterca pet minuta ranije.

Caušević je izabran i za najboljeg igrača turnira.

Konačan rezultat postavio je Miloš Tabački u 47. minutu.

“Prije svega, čestitke stručnom štabu i igračima jer smo veoma dobro i takmičarski odigrali finalnu utakmicu. U prvom poluvremenu bili smo sigurni u odbrani, kreativni na sredini i produktivni u napadu. Rano primljeni gol u drugom poluvremenu i nedostatak snage su nas natjerali da igramo u grču, kada smo i napravili par grešaka. Međutim, zadržali smo i koncentraciju i mirnoću da privedemo utakmicu do kraja i pobjedom osvojimo ovaj kvalitetan turnir”, istakao je selektor Radovan Kavaja.