Ipak, najtraženija je lubenica koja se mogla po kilogramu kupiti od euro, a isto toliko potrebno je izdvojiti za pipun. Banane duže vrijeme nijesu mijenjale cijenu i ovo voće može se kupiti za dva eura. Pedeset centi skuplje su jabuke, dok je limun 3,50 eura. Na tezgama mogle su se kupiti i pomorandže koje koštaju tri eura, dok je ananas 50 centi skuplji. Kutije od 250 grama malina i kupina prodavane su za 2,50, a kilogram košta deset eura. Šljive su prodavci nudili za dva, a smokve za četiri eura. U ponudi su imali trešnje koje po kilogramu koštaju šest eura.
Kada je u pitanju povrće, kilogram paradajza je dva eura dok je rozi euro skuplji. Krastavac se može kupiti od 1,50 do 2,50, tikvica je 1,50, patlidžan od tri do pet eura. Za kilogram krompira neophodno je izdvojiti 1,20 eura. Paprika babura može se kupiti za dva, a crvena za tri eura. Kilogram crmničkog luka je 2,50 eura, a veza mladog luka euro. Šargarepa košta 2,50 eura, koliko je neophodno izdvojiti i ta raštan. Kilogram salate košta dva eura, a blitva je 50 centi jeftinija. Boraniju prodavci nude za četiri eura.
Na sektoru mliječnih proizvoda prodavci nude veliki izbor. Cijene su uglavnom nepromijenjene. Mladi sir mogao se kupiti za 6,50, dok je stari devet eura. Kilogram kučkog sira košta devet, a kolašinskog 11 eura. Pljevaljski sir prodavan je od šest do devet eura. Lisnati sir nuđen je za 12 eura. Kilogram mladog kajmaka košta 15, dok je stari od 17 do 20 eura.
Deset jaja prodavci prodaju za tri eura.
