Bornmut je večeras remizirao sa Mančester sitijem 1:1 pa “građani” imaju četiri boda manje od londonskog tima uoči posljednjeg kola i matematički su se oprostili od titule.
Vodeći gol za Bornmut postigao je Eli Žunior Krupi u 38. minutu, da bi duboko u sudijskoj nadoknadi Erling Haland izjednačio, ali je bilo prekasno za preokret.
Arsenal je tako dočekao titulu poslije 2004. godine i fenomenalne generacije koju je predvodio Arsen Venger.
Ostaje im meč bez značaja u posljednjem kolu u nedjelju na terenu Kristal Palasa.
Poslije osvajanja titule u Premijer ligi, moći će da se okrenu pripremama za finale Lige šampiona koje će 30. maja odigrati u Budimpešti protiv Pari Sen Žermena.











