Amerikanka je dobila specijalnu pozivnicu za nastup u Melburnu, iako ima 45 godina, pa će postati najstarija igračica u istoriji turnira u Australiji.

„Oduševljena sam što ću opet igrati u Australiji za koju me vezuju nevjerovatne uspomene. Zahvalna sam na ovoj šansi da se vratim na mjesto koje mi je mnogo značilo u karijeri“, istakla je Venus.

Legendarna teniserka nikada nije osvojila Australian open, ali je dva puta igrala u finalima, 2003. i 2017. godine.

Sezonu će započeti u Ouklendu, a potom će igrati u Hobartu, poslije čega će stići u Melburn.